Saturday, May 4, 2013

"ဧပရယ်က ငါ့အတွက် မဖြစ်မနေဖြတ်ကျော်ရမယ့် သတ်ကွင်းတစ်ခု"



ဧပရယ်က ငါ မသိချင်ဟန်ဆောင်နေလည်း
ငါ့နှလုံးသားနံရံတွေကို လောင်ကျွမ်းမှုနဲ့ ဖဲ့ရွဲ့လှုပ်နှိုးနေတယ်
ငါမကြားချင်တာတွေ ကြားရနိုင်တာမို့
ငါမကြားရမမြင်ရတဲ့ အရပ်တစ်ခုကို ထွက်ပြေးခဲ့တယ်……………
ဘာသဲလွန်စမှ မကျန်ချင်လို့
ငါဘာမှ ချမရေးဖြစ်ဘူး
ဒီနေ့တော့ ငါချမရေးရင်
ငါ့နှလုံးသား ဆုတ်ပြတ်သွားနိုင်တာမို့
ငါ ချရေးခဲ့လိုက်တယ်………………
ငါ ဘယ်လိုဒဿနမျိုးနဲ့ ငါ့ကိုယ်ငါ ရှင်သန်အောင်လုပ်ရပါ့မလဲ
အပြင်းအထန်စဉ်းစားနေခဲ့မိတယ်
အဲဒီ ဧပရယ်ကို ငါမထီတရီကြည့်ချင်ပါသေးတယ်
ခုမဟုတ်လည်း ဘယ်တော့လောက် ငါလုပ်နိုင်မလဲ
ခံပြင်းစွာ တောက်ခေါက်လောက်တော့
အသံထွက်မလာဘဲ ငါ့မျက်လုံးတွေ မှုန်ဝါးသွားတယ် ……………..
ငါတီဗွီကို ပိတ်ထားတယ်
တချို့သီချင်းတွေကို Delete လိုက်တယ်
ငါရှောင်ပုန်းနေတဲ့အခန်းထဲ ဧပရယ်ဝင်လာမှာစိုးလို့ပါ
ငါ တံခါးတွေလုံအောင် ပိတ်ထားတယ်
လေအေးပေးစက်ကို ဂိတ်ဆုံးဖွင့်ထားတယ်
အဲဒီထဲမှာ ဧပရယ်အပူကို အံတုချင်စိတ်လည်းပါတယ်
ငါ လျှောလျှောရှူရှူ အိပ်ပျော်စေမယ့်
အချို့သောအရာတွေကို သုံးစွဲတယ်
အဲဒီထဲမှာ အိပ်မက်တွေဝင်မလာအောင်
တားချင်စိတ်လည်းပါတယ်
ဒီလိုမျိုးနဲ့
တစ်ရက်ပြီးတစ်ရက် အမြန်ပြီးဆုံးအောင်
ငါ ပေ.. ပေ.. တေ.. တေ.. လောင်မြိုက်ခံပြီး
ဧပရယ်ကို ဖြတ်ကျော်နေတယ်…………..။

2012 April