Friday, November 16, 2007

လွမ်းမောမှုများ

ကာလတွေထဲ ပစ်ချခံထားရတဲ့
ဝင်လေထွက်လေတိုင်းမှာ အမှတ်တရလို့ခေါ်မယ့်
တချိ်န်မှာ.....ရင့်မှည့်ချင်လည်း ရင်မှည့်သွားနိုင်မယ့်
တချိန်မှာ.....ပုပ်သိုးချင်လည်း ပုပ်သိုးသွားနိုင်မယ့်
အ၀ါရောင် သစ်သီးတစ်လုံးရှိတယ်...

ဟိုတုန်းကလည်း ဒီလိုအသက်ရှူနှုန်း
ဒီလိုရာသီ
ဒီလို ၀န်းကျင်
ဒီခန္ဓာ
ဒီလိုအခင်းအကျင်း
ဒီနာမည်နဲ့ ငါဟာ
ဒီအချိန်မျိုးတွေကို ဖြတ်သန်းဖူးသားနဲ့
ခုမှဘာလို့ ဒီလောက်ခဲယဉ်းနေသလဲ

တိမ်နိမ့်တွေ ..
ကောင်းကင်ထဲ အုပ်ဖွဲ့ပျံသန်းနေပုံများ

အထီးကျန်မှုဆိုတာ စိတ်ဝိညာဉ်ထဲ
ထုပ်ပိုးသိမ်းဆည်းထားပြီးသားဖြစ်တဲ့
ဘ၀ရဲ့ လက်ဆောင်မွန်

ဒီ့ထက် လတ်ဆတ်ဖို့ရာ
ကိုယ့်သမိုင်းကိုပဲ သက္ကရာဇ်ဖြိုပစ်ရမည်လား
ကိုယ့်ရင်ခုန်သံကိုပဲ
ချိန်သားကိုက် ဖန်တီးရမည်လား

ဝေ့၀ဲကျနေတဲ့ ရှင်သန်မှုအလျားထဲ
အတိတ်တွေဟာ အသိအမှတ်ပြုမခံရတဲ့
အိပ်မက်လှလှလေးတွေဆိုပါစို့

ဟောဒီညမှာ
ငါဟာ ငါ့အနာဂတ်တွေကို အုံ့အုံ့ဆိုင်းဆိုင်း
လွမ်းဆွတ်နေလေရဲ့.........

Sunday, November 4, 2007

ဆောင်းဒိုင်ယာရီ

ဆောင်းရာသီရောက်တော့ မြစ်ထဲကို ဇင်ယော်တွေ ပြန်လာကြတယ်။ အသက်ရှူလိုက်တိုင်း နှလုံးထဲအထိ စိမ့်ဝင်သွားကြတဲ့ လေအေးတွေဟာ အရင်တစ်ပတ်နွမ်းသွားပြီးဖြစ်တဲ့ ဆောင်းတုန်းက လေညင်းတွေပဲလားဆိုတာ မသေချာတော့ပါ။ မှန်တာပြောရင်တော့ အဲဒီလို တစ်ပတ်နွမ်းနွမ်းသွားကြတဲ့ ဆောင်းရာသီတွေကို ကျော်ဖြတ်နေရခြင်းအား နည်းနည်းမှ စိတ်မရှည်တော့ပါ။

အိမ်အပြန်လမ်းက မှောင်မဲပြီး တိတ်ဆိတ်လို့။ လူခြေသံတွေကိုတောင် မကြားရ။ ဘ၀ကို တိတ်တိတ်ဆိတ်ဆိတ် တစ်ယောက်တည်း ဖြတ်သန်းရတဲ့အခါမျိုးတွေလည်း ရှိရဲ့။ အရင်လိုလည်း “ဘယ်မှာလဲ ပန်းတိုင်” ဆိုပြီး သွေးရူးသွေးတမ်း ဖြစ်မနေတော့ပါ။ အမှောင်ထုနဲ့အတူ လုံးထွေးရောပါလာတဲ့ ဖုန်မှုန့်တွေနဲ့ အေးစက်စက် လရောင်ကို အဆုပ်ထဲထိ မှန်မှန်ရှူသွင်းနေလိုက်တယ်။ ပြီးတော့ လမ်းလျှောက်နေလိုက်တယ်။

နေ့စဉ်လုပ်နေကျ အလုပ်တွေဟာ ဘာတွေများလဲ...။ ဆောင်းရာသီးဖြစ်ဖြစ်... ဘာဖြစ်ဖြစ်ပါ။ အနွေးထည်ငတ်ရတဲ့အလုပ်တစ်ခု လိုတာကလွဲရင် အားလုံးပုံမှန်။ စည်းချက်ကျကျ တစ်ခါတလေ သံစဉ်လွဲနေတဲ့ နေ့တစ်နေ့လောက် တောင့်တမိရဲ့။ ငယ်ငယ်တုန်းက တက်ခဲဖူးတဲ့ ဂန့်ကော်ပင်ကြီးရဲ့ ထိပ်ဖျားကို လွမ်းတယ်။ ခုလောက်ဆို ဂန့်ကော်တွေ ဝေနေရောပေါ့။ ငယ်ငယ်တုန်းက ကျောင်းအုပ်ဆရာမကြီး ထိုးတတ်တဲ့ ကြေးခေါင်းလောင်းကြီးရဲ့ ကျောင်းတက်ခေါင်းလောင်းသံကို လွမ်းတယ်။ ခုနေတော့ ကျောင်းတွေမှာ လျှပ်စစ်ခေါင်းလောင်းသံတွေ စီစီညံနေရောပေါ့။

ဆောင်းရာသီကို ထားရစ်ခဲ့ကြပြီဖြစ်တဲ့ ချစ်သူ၊ ခင်သူများ... ခုနေလှမ်းမျှော်ကြည့်တဲ့အခါ မြူတွေလား.. တိမ်တွေလား မကွဲပြားပါ။ နှင်းငွေ့တွေနဲ့အတူ မြောပါလာတဲ့ရင်ခုန်မှု၊ ပျော်ရွှင်မှု၊ စွဲလန်းမှု၊ တမ်းတမှု၊ လွမ်းမောမှု၊ ကြေကွဲမှုတွေဟာ နွေရာသီ ဖြူတွေထဲမှာ ရောနှောပျောက်ဆုံးသွားခဲ့ကြပြန်တယ်။ ဘ၀ဆိုတာ ရထားတစ်စင်းဆိုရင် ငါ ငြင်းတယ်။ ရထားမှာ ပန်းတိုင်ဆိုမျိုးရှိနေလို့။ တစ်ချိန်တည်းမှာပဲ ဘ၀ဆိုတာ ရထားတစ်စင်းဆိုတာကို ငါ လက်ခံတယ်။ ရထားပြတင်းကနေ မြင်နေရတဲ့ မြင်ကွင်းတွေဟာ ဖန်တစ်ရာတေ ခြောက်သွေ့ငြီးငွေ့ဖွယ် ကောင်းလွန်းနေပြန်လို့။ ဘယ်လိုလဲ ချစ်သူ.. မင်းရော ဘ၀ဆိုတာကို အဓိပ္ပာယ်ဖွင့်ချင်တုန်းလား..

ဒီလိုဆို အိပ်ယာထဲ လူးလှိမ့်ပြီး အေးချမ်းမှုမှာ အခြောက်တိုက် ငြီးငွေ့နေရုံလား.. စိတ်ကူးထဲက ဆောင်းရာဟာ ဒီထက် ခမ်းနားတာတော့ အမှန်ပဲ။ ဒါပေမယ့် အဲဒီစိတ်ကူးဟာ အတော်ဟောင်းနွမ်းသွားခဲ့ပြန်ပါပြီ။ ဒီထက်သစ်လွင်တဲ့ စိတ်ကူးတွေဟာလည်း လင်းလိုက် မှိန်လိုက်။ ခိုက်ခိုက်တုန်အေးခဲနေတဲ့ ဆောင်းညတစ်ညမှာ အခန်းကို မီးမှောင်ချ (အလင်းရယ်လို့ တစ်မှုန်တောင် မ၀င်နိုင်အောင်) မျက်စိကို မျှင်းမျှင်းမှိတ်ပြီး “၀ိုင်ဝိုင်း”ရဲ့ “သမင်လည်ပြန်” သီချင်းကို တိုးတိုးနားထောင်ကြည့်တော့... မျက်ဝန်းထဲ ရေနွေးစီးကြောင်းတစ်ခု ဖြတ်သန်းစီးလာတယ်။ “တောင်းပန်ပါရစေ”လို့တော့ ဘယ်တော့မှ ထပ်ပြောမိမယ် မထင်တော့ပါဘူး။

ရင်ခုန်သံတွေလည်း ဆောင်းတိုက်စားလို့ တရိရိ ပွန်းပဲ့ပါးလျားသွားခဲ့ရပြီ။ နှလုံးသားမှာ ဆောင်းကိုက်ခံရလို့ နာကျင်ခဲ့တဲ့ အမာရွက်တစ်ခု ထင်းထင်းကျန်လို့... အေးခဲနေတဲ့ ဆောင်းက ရင်ထဲမှာ စွတ်ရွတ် နေရာဝင်ယူနေပြန်တယ်။ ခုလောက်ဆို လမ်းမီးတိုင်အောက် ရွက်ခြောက်တွေ လွင့်ချင်ရာ လွင့်သြွးကြရောပေါ့။ နီဝါရောင်အလင်းတွေ ဖျာလဲစီးမျောနေတဲ့ ကတ္တရာလမ်းနက်နက်ကြီး ရှည်လျားနေလိုက်ပုံက “ဘ၀”တစ်ခုကျနေတာပဲ။ ဝေးလိုက်တာ လရောင်ရယ်.. ငါ့ကိုယ်ပေါ် လွှမ်းတယ်ဆိုရုံလေး လွှမ်းကျနေလိုက်တာ... ရီဝေမူးနောက်လို့... ချစ်သူအမည်နာမကို မေံလျော့နေလောက်အောင်ကို... မင်း သိပ်ဖျားယောင်းနိုင်တာပဲ...။

မှန်တာပြောရရင် ခုချိန်ခါမှာ အရာအားလုံး ဖျားယောင်းနိုင်လွန်းနေတယ်။ ဘာရနဲ့မှ ပါမလာတဲ့ ဆောင်းလေအေးတွေ.. ဘာဂီတမှ လွှမ်းခြုံမထားတဲ့ မှုန်ကုပ်ကုပ်ကဖေးဆိုင်လေးရဲ့ အခင်းအကျင်းတွေ.. ခင်မင်မှု အဖြူထည်သက်သက် အပြုံးတွေ.. ဆင်းခဲ့တက်ခဲ့ဖူးတဲ့ လှေကားထစ်တွေ... ခရမ်းရောင် မျက်ဝန်းတစ်စုံ.. နောက်.. တ၀ီဝီပြေးနေတဲ့ ဘတ်စကားအိုကြီးတွေရဲ့ ငြီးသံတွေ.. နောက်.. ဘယ်သူဆွဲလို့ ဘယ်ကမြည်လာမှန်း မသိတဲ့ ခေါင်းလောင်းကလေးရဲ့အသံ.. ကလေးတစ်ယောက်ရဲ့ အာခေါင်ခြစ်ငိုသံ.. တစ်စုံတစ်ယောက်ရဲ့ တီးတိုးငြီးတွားသံ အားလုံး.. အားလုံးက ဖျားယောင်းနိုင်လွန်းနေတယ်။

ဘ၀မှာ တစ်ခါထပ် ဟောင်းနွမ်းခွင့်ရမယ်ဆို ဘာကိုများ ဟောင်းနွမ်းမိဦးမလဲ။ တကယ်လို့များ ဘ၀မှာ တစ်ခါထပ် ရူးမိုက်ခွင့်ရဦးမယ်ဆို ဘာကိုများ ရူးမိုက်မိဦးမလဲ။ ချစ်သူကို “မိုးရာသီလေး” အစား “ဆောင်းနှောင်းရာသီလေး”လို့ ပြောင်းခေါ်မိဦးမလား။ ဟင့်အင်း.. ချစ်သူကို ဆောင်းအိပ်မက်ထဲမှာ အပြီး “သတ်”ပစ်ခဲ့မှာ။ “အလွမ်း”ဆိုတာ နာတာရှည်ရောဂါ တစ်မျိုးဆိုလည်း ၀ဋ်နာကံနာတော့ မဖြစ်စေရပါ။ တဆစ်ဆစ်ကိုက်ခဲနေတဲ့ လွမ်းနာကျမှုဟာ ခန္ဓာကိုယ်ကို တိုးလျှိုပေါက် ထိုးခွင်းသွားတယ်။ ငါသာ လမင်းကို ထိုးထိုးဟောင်နေတဲ့ ခွေးတစ်ကောင်ဆိုရင် လူတိုင်းရဲ့ အိပ်မက်တွေမှာ ခွေးအဟာင်သံတွေ စီစီညံနေမှာ အမှန်ပဲ။ ဒီညမှာတော့ လမင်းကို ထိုးမဟောင်တော့ပါဘူး။ မော့ကြည့်ငေးမောမှုတွေလည်း မလုပ်တော့ဘူး။ လရောင်မှာလည်း ယစ်မူးသာယာ မနေတော့ဘူး။ အေးစက်စက် ညဥ့်ယံမှာ တိတ်တိတ်လေး ခွေအိပ်နေပါရစေ။ လမင်းကို လမင်းအတိုင်း ရှိပါစေပေါ့။ အိပ်မက်တွေလည်း မမက်ပါရစေနဲ့။ တိတ်တိတ်လေးသာ ခွေအိပ်နေပါရစေ။

ကြည့်စမ်း.. လူတိုင်း အိမ်တံခါးတွေ ဘာလို့ ဒီလောက်တောင် စေ့ပိတ်ထားကြတာလဲ။ ဆောင်းကို မျှောခဲ့တာလည်း သူတို့ပဲ မဟုတ်လား။ ဆောင်းကို ချစ်ရင် အေးခဲထုံဝေမှုကိုပါ ရင်ဖွင့်ပေးမထားသင့်ဘူးလား။ လာပါကွယ်... ငါက စောစော အိမ်ပြန်ရောက်ချင်တဲ့သူ မဟုတ်ပါဘူး။ လူအဖြစ်မှာ ကတ်သီးကတ်သတ်လေး ရပ်တည်နေတဲ့ ကောင်မလေးပါ။ သဘာဝတရားကို မြတ်နိုးပြီး.. ရယ်တတ်.. ငိုတတ်... သိုဝှက်တတ်တဲ့ ကောင်မလေးပါ။ ဒီထက်လည်း မပိုပါဘူး။ သံယောဇဉ်နဲ့လည်း မနှောင်ပါဘူး။ မျက်ဝန်းအကြည့်တွေနဲ့လည်း မချည်ပါဘူး။ တိတ်တိတ်လေး မြတ်နိုးနေရုံပါ။ ကြိတ်မှိတ်ပြီး မြတ်နိုးနေရုံပါ။ လာပါ.. လှမ်းခဲ့ပါ.. ဆောင်းရယ်...

ဆောင်းရာသီကြီးထဲ တစ်စုံတစ်ယောက် မွေးဖွားခဲ့သလား.. ငါမွေးခဲ့တာ မိုးရာသီ။ တကယ်ဆို လူတစ်ယောက်ဟာ တစ်ရာသီ မဟုတ် တစ်ရာသီမှာတော့ မွေးဖွားမှာပါပဲ။ ဆန်းလား... သဘာဝတရားထဲက ပြေးလွတ်ဖို့ဆိုတာ အားထုတ်နေဖို့လိုဦးမလား။ တကယ်ဆို အားထုတ်ဖို့ လိုအပ်တဲ့အရာရယ်လို့ မရှိသလောက်ပါပဲ။ ငယ်ငယ်တုန်းက ဆောင်းတွင်းတိုင်း ၀တ်ခဲ့ဖူးတဲ့ အနွေးထည်နီနီလေးကို သတိရတယ်။ ငါက “အဆိုးလေး”တဲ့ အဖေက ပြောတယ်။ တကယ်ဆို သဘာဝတရားကို အတုခိုးမှားခဲ့မိတာပါ။ ခုဆို ငယ်ငယ်ကလိုလည်း လိပ်ပြာတွေ လိုက်မဖမ်းတော့ပါဘူး။ ပိုးစုန်းကြူးတွေကိုလည်း ဖန်ပုလင်းထဲ ထည့်မလှောင်တော့ပါဘူး။ ဆောင်းရာသီကို ဆောင်းရာသီအတိုင်းလေး ငေးမောနေတတ်ခဲ့ပြီ။ ကောင်းကင်ကိုလည်း မော့မကြည့်ဘူး။ မြေပြင်ကိုလည်း ငုံ့ကိုင်းကြည့်မနေတော့ဘူး....။ မြောက်ပြန်လေတိုးသံ တ၀ီဝီကြားမှာ တံတားအောက်က ဖြတ်စီးနေတဲ့ ရေတွေရဲ့အသံသဲ့သဲ့ကို အောက်မေ့ဖွယ် ကြားယောင်နေပါတော့တယ်။

Wednesday, October 10, 2007

တောင်တောင်အီအီများ


ကျွန်မပညာတတ်ကြီးမဖြစ်ချင်ပါ။ကဗျာဆရာတစ်ယောက်မဖြစ်ချင်ပါ။ စာရေးဆရာတစ်ယောက်မဖြစ်ချင်ပါ။စီပွားရေးလုပ်ငန်းရှင်ကြီးမဖြစ်ချင်ပါ။ ဆရာဝန်တစ်ယောက်မဖြစ်ချင်ပါ။ကျောင်းဆရာတစ်ယောက်မဖြစ်ချင်ပါ။
ကျွန်မ...မဖြစ်ချင်ပါ။ဘာမှ...မဖြစ်ချင်ပါ။ ဒါပေမဲ့မဖြစ်ချင်ပါ။


မိုးရာသီမို့မိုးရွာနေပါသည်။
ငယ်ငယ်တုန်းကလိုမိုးရေစီးကြောင်းတလျှောက်ဖိနပ်မပါလျှောက်ပြေးချင်မိသည်။
ထိုကိစ္စဆိုင်းငံ့ထားရဦးမည်။ မဟုတ်ဘူး...ပြေးချင်လည်းပြေးလိုက်လို့ရပါသည်။ ကျွန်မမိုးရာသီတွင်အသက်ပင်၀၀လင်လင်မရှူနိုင်အောင်အသည်းကွဲဖူးပါသည်။ မိုးရေထဲသို့နှလုံးသားအတိုအစအပဲ့အရွဲ့များအားမျှောခဲ့ဖူးပါသည်။
မှန်ပါသည်။ ကျွန်မမိုးရာသီများအားချစ်သည်။မဟုတ်ပါ။
ကျွန်မမိုးရာသီများအားမုန်းပါသည်။
မဟုတ်သေးပါ...ထားလိုက်...မိုးရာသီများအားမိုးရာသီထဲတွင်ချန်ထားခဲ့ပါ။


ကမ္ဘာပေါ်တွင်ကိုယ့်ကိုကိုယ်အနှိပ်စက်ဆုံးလူအမျိုးအစားသည်
စာရေးဆရာများဖြစ်သည်။
ကမ္ဘာပေါ်တွင်စိတ်မနှံ့ဆုံးလူအမျိုးအစားသည်ငကြွားများဖြစ်သည်။
ကမ္ဘာပေါ်တွင်အချူချာဆုံးလူအမျိုးအစားသည်ပညာတတ်များဖြစ်သည်။
ကမ္ဘာပေါ်တွင်အပေါ့ပါးဆုံးလူအမျိုးအစားသည်ဥာဏ်ရည်ချို့ငဲ့နေသူများဖြစ်သည်။
ကျွန်မအခန်းထဲတွင်ပိုးဟပ်ပေါင်းမရေမတွက်နိုင်အောင်ရှိပါသည်။
ကျွန်မအမုံးဆုံးအရာမှာပိုးဟပ်နှင့်တယ်လီဖုန်းများဖြစ်သည်။
ဘ၀တွင်ကျွန်မအလိုချင်ဆုံးသောအရာမှာသမားရိုးကျဆန်ခြင်းဖြစ်သည်။
"အနုပညာသမားများသည်ကြီးကျယ်မြင့်မြတ်သည်"ဟူသောအဆိုကို
ကျွန်မအံ့သြမိပါသည်။
"ကြီးကျယ်မြင့်မြတ်မှု"ဟူသောစကားလုံး၏အဓိပ္ပာယ်ကို
ကျွန်မကောင်းကောင်းနားမလည်ပါ။
ပျောက်သွားသောကျွန်မကြောင်လေးသည်ကြီးကျယ်မြင့်မြတ်လှပါသည်
(သဒ္ဒါနှင့်အသုံးနှုံးမှားပါကပြင်ပေးစေချင်ပါသည်)။
ကျွန်မသည်အတ္တပေါလေးဖြစ်ပါသည်။ကျွန်မတွင်ဝါးပင်တစ်ပင်ရှိပါသည်။


'ယန်းပေါဆတ်'၏'နာမည်ကြီးအောင်လုပ်နည်း'၀တ္ထုတိုသည်
ကျွန်မအကြိုက်ဆုံးသောဝတ္ထုတိုဖြစ်သည်။
ကျွန်မတွင်ဒုစရိုက်မှုအတော်များများရှိပါသည်။
ပိုင်ရှင်မသိအောင်ခိုးဝှက်ရိုက်ယူထားသောဓာတ်ပုံတစ်ပုံရှိပါသည်။
နှစ်ရှည်လများထိမ်ဝှက်ထားသောအကြည့်တချက်ရှိပါသည်။
ကိုယ့်ကိုကိုယ်ညှင်းပန်းနှိပ်စက်ရန်ဆော်ထားသောမျှော်လင့်ချက်များရှိပါသည် (၄င်းတို့သည်အချိန်မရွေးမျှော်လင့်တတ်သောသဘောရှိသည်။)
ကျွန်မအိပ်ရာထဲတွင်ရွံစရာကောင်းသောကျွန်မဆံပင်များရှိပါသည်။
ကျွန်မအကြာခဏရွတ်တတ်သောကဗျာတစ်ပုဒ်သည်
'ညီလေးရေတိရစ္ဆာန်ရုံသွားကြစို့'ဖြစ်သည်။
'မားဆိုးလ်'သည်'သုံးဆယ့်ရှစ်ဖြာမင်္ဂလာ'မသင်ခဲ့ရသောကြောင်
့နောက်ဆုံးတွင်သေဘေးနှင့်ရင်ဆိုင်ခဲ့ရသည်။
ကျွန်မအတွက်ထိုကိစ္စပူရန်မလိုပါ။
'သုံးဆယ့်ရှစ်ဖြာမင်္ဂလာ'ကဗျာအားကျွန်မကျေကျေညက်ညက်ရပါသည်။
ကြွက်များအားကျွန်မမကြောက်ပါ။မိုးကြိုးပစ်မှာကိုတော့ကျွန်မကြောက်ပါသည်။
ထို့ကြောင့်မိုးရွာတိုင်းထီးတစ်လက်နှင့်မမြဲကာထားတတ်ပါသည်။
ဒီနှစ်မိုးနည်းနည်းများပါသည်။


ဘ၀ဆိုသည်မှာဗွက်စင်တတ်သောပြောင်ပြောင်လက်လက်ဖိနပ်တစ်မျိုးဖြစ်ပါသည် (လမ်းလျှောက်များလွန်းပါကတကိုယ်လုံးဗွက်ရည်များလူးသွားနိုင်ပါသည်။)
ဘုရားပွဲဈေးများတွင်တွေ့ရတတ်သော'လက်ကောက်ပစ်ခြင်း'ကစားနည်းမျိုးသည်
မသတီချင်စရာကောင်းလှသည်။
လက်ထဲတွင်ရှိသောငှက်သည်ပို၍ထိုက်တန်သည်ဟုမည်သူပြောသနည်း။
လက်ထဲတွင်ရှိသောငှက်ကလေးအတောင်ကျိုးနေပါသည်။
ချုံဖုတ်ထဲတွင်ငှက်နှစ်ကောင်သည်ငှက်ဖြစ်ဖို့ပို၍သေချာသွားသည်။
တိမ်များခရီးသွားနေသည်မှာမည်မျှကြာခဲ့ပြီနည်း။
သံလိုက်အိမ်မြှောင်များသည်ရယ်စရာအကောင်းဆုံးသောရုပ်ဝတ္ထုပစ္စည်းများဖြစ်သည်။
ပွဲဈေးတန်းများတွင်ကျွန်မစိတ်ဝင်အစားဆုံးသောအရာမှာ
ကောက်ညှင်းကျဉ်တောက်များဖြစ်သည်။
'ဖုန်းဆိုးမြေ'နှင့်'ကောင်းကင်'တို့သည်
ကဗျာဆရာများလက်တည့်စမ်းလွန်းသော စကားလုံးများဖြစ်သည်။
ယူတိုးပီးရား'utopia'ဆိုသောစကားလုံး၏အဓိပ္ပာယ်အား
'NO PLACE' ဆိုသည်မှလွဲ၍ဘာမှမသိပါ။
စိတ်ကူးယဉ်ဝါဒီများသည်လူများဖြစ်ကြသည်
(တိရစ္ဆာန်များစိတ်ကူးယဉ်တတ်မယဉ်တတ်သေချာမသိပါ။)
ကျွန်မတွင်ဝါးပင်တစ်ပင်ရှိပါသည်။


အက်ဗရယ်လပ်ဗင်း၏ 'I'm with you' သီချင်းကိုကြိုက်ပါသည်။ ကျွန်မငယ်ငယ်က'ဘောင်ဘောင်ဖောက်'ရသည်ကိုအလွန်နှစ်ခြိုက်ပါသည်။
ခွေးသည်ကျွန်မအချစ်ဆုံးသောသတ္တ၀ါဖြစ်ပါသည်။
'ဘွန်ဇိုင်း'စိုက်ပျိုးနည်းအကြောင်းဂဃနဏမသိပါ။
ကျွန်မမှာချစ်သူုမရှိပါ။
ကျွန်မတို့လမ်းထဲကအရူးမတစ်ယောက်တွင်သမီးလေးတစ်ယောက်ရှိပါသည်။
ပိုက်ကျော်ခြင်းကစားနည်းသည်ကျွန်မအကြိုက်ဆုံးအားကစားနည်းတစ်ခုဖြစ်သည်။
လူမုန်းများသောသတ္တ၀ါသည်ကြွက်များဖြစ်သည်။
ဇာတ်ညွှန်းရေးဆရာများသည်လေပေါကြသည်။
စိတ်မျောလျှင်စိတ်နှင့်လိုက်ပါ။
လှည်းဘီးကတော့နွံထဲကျွံနေပါပြီ။ပုရွက်ဆိတ်များခရီးသွားနေကြသည်။
တစ္ဆေသရဲများနှင့်တူတူပုန်းတန်းကစားချင်သည်။ စိတ်အားချို့ငဲ့မှုအားစိန်ခေါ်ပါ။
လူသားဆန်ဖို့ဘိလိယက်ထိုးကြပါစို့။ချောင်းကိုပစ်တာမြစ်ရှာသွားဖို့ မဟုတ်ပါ။
JAT LAG ရောဂါသည်အူကြောင်ကြောင်နှင့်ပျော်စရာကောင်းလှသည်။
နောင်ဘ၀တွင်ကျွန်မလူဖြစ်မည်ဆိုပါက
လူလုပ်တမ်းကိုပျော်ပျော်ကြီး ကစားပစ်လိုက်မည်။
တဖက်သက်အချစ်သည်အတွင်းမှာလှိုက်စားနေသော
မာလကာသီးတစ်လုံးနှင့်တူသည်။
ဘကြီးဖြိုးအိမ်ပြန်ပြင်နေပြီလား....


အိမ်ရှေ့တွင်ရှိသောရေတွင်းအားအိမ်နောက်ဖေးရွှေ့ပစ်ခဲ့သည်။
ခုနစ်ရက်သားသမီးပဲရှိသေးတော့ကျွန်မကစနေနေ့ထဲတွင်သွားမွေးဖွားခံရသည်။
ကျွန်မအိမ်ခေါင်းရင်းတွင်စံပယ်ပင်များရှိပါသည်။
ပြဇာတ်ကမည်လား...ခေါ်လိုက်ပါ...ဇာတ်သမားများဗန်ဒါသီးကြိုက်ကြသည်။
စိတ်ကူးများအမှိုက်လိုပုံနေသောကမ်းစပ်တစ်ခုတွင်ကျွန်မနေသည်။
ဒီရေလာပြီလား...ဘ၀သည်ရှည်လျက်တိုနေ၏။
ကျွန်မစာရေးဆရာတစ်ယောက်မဖြစ်ချင်ပါ။

၂၉ အောက်တိုဘာ ၂၀၀၅
စနေနေ့

Friday, August 31, 2007

The Lost Mornings



ပျောက်ဆုံးသွားသော မနက်ခင်းလေးများ
အငဲ

Thursday, August 30, 2007

မီးခိုးငွေ့လေးငါ

ဘယ်မှာလဲ ငါ...
လေနှင်ရာ ယိမ်းနွဲ့ ဖျော့ပါး
တောင်တန်းကြီးပဲ မြင့်လွန်းတာလား
ခရီးကပဲ ဝေးလွန်းတာလား...

သည်းခြေကြိုက်ရမ္မက်နဲ့ရင်ခုန်မှုတွေ
ဥပါဒါန် နှင့် သွေးရူးသွေးတန်းရိုးသားမှူတွေကြား
ကျောရိုးမဲ့ဖြစ်နေရှာတဲ့
မီးခိုးငွေ့လေးငါ...
အိပ်မက်လား တကယ်လားတောင် ဝေခွဲမရတာ
ဘယ်လိုခွန်အားနဲ့ ကိုယ်ထင်ရာကိုယ်လွင့်ရမလဲ


ချစ်သူလေးရေ...
အဲဒီလို
တမ်းတ ညည်းညူလိုက်
ရက်စက် မေ့ထားလိုက်
လူးလဲ လွမ်းနာကျလိုက်
ဇွတ်မှိတ် အေးခဲပစ်လိုက်
ကြည်နူးလှိုက်ဖိုမိလိုက်
ကျိုးကြေလမ်းခွဲပစ်လိုက်
ပွင့်အန် နမ်းရှုံ့ မိလိုက်...

မီးခိုးငွေ့လေးရယ်ပါ
ကိုယ့်ခရီးတောင် ကိုယ်ဘာသာမနှင်နိုင်တဲ့
မီးခိုးငွေ့လေးရယ်ပါ....

၃၁ သြဂုတ် ၂၀၀၇
သောကြာနေ့
12:04 AM

Sunday, July 29, 2007

ကျွန်မနှင့် ရီ ဝေေ၀ပွဲတော်ည…..

ကျွန်မနှင့် ရီ ဝေေ၀ပွဲတော်ည လက်ကောက်ကလေးများ

မီးသီးကလေးများ မှိတ်တချည်လင်းတလှည့်ဖြစ်နေသော ပွဲတော်လမ်းကြားလေးထဲတွင် ကျွန်မစမ်းတ၀ါးဝါး လျှောက်သွားနေ၏။
ဓာတ်စက်သံ…ဆိုင်းသံဗုံသံနှင့် လူသံများခပ်မျှင်းမျှင်း ခပ်မြိုင်မြိုင်ပျံ့  လွင့်နေ၏။ အပြိုင်အဆိုင်ဖိတ်ခေါ်နေကြသော ပြပွဲများကြိုကြားကြိုကြားတွေ့ ရ၏။
တချို့ ကကြောက်မက်ဖွယ် တီကောင်ကမ္ဘာ….တချို့ ကထူးဆန်းသတ္တ၀ါကြီးများ… တချို့  ကမြွေဖြစ်သွားသောလူ… စသည်ဖြင့်
အပြိုင်မဆိုင်ဈေးခေါ်နေအော်ဟစ်နေကြ၏။ လမ်းလယ်ခေါင်တွင်တော့..
မြေပေါ်ခင်းကျင်းရောင်းချနေသော အမျိုးအစားစုံလင်လွန်းလှသည့် မျက်နှာဖုံးများ……
ပြောင်ပြောင်လက်လက် ညှို့ ယူဖမ်းစားတတ်သော ချစ်စရာပစ္စည်းကလေးများ…အမျိုးအစားစုံပွဲဈေးမုန့်များ…
ကောင်းကင်သို့ထိုးတက်ရန်ဟန်ပြင်နေသော မိုးပျံပူဖောင်းများ…စသည်..စသည်ဖြင့် ပွဲတော်လမ်းကြားလေးသည် မြိုင်ဆိုင်နေ၏။


ကျွန်မသည် ပွဲတော်ရောင်လဲ့နေသော လမ်းကျဉ်းလေးထဲတွင် လူများအားဝှေ့ကာ ရှောင်ကာဖြင့် ငေးငေးမောမောသွားနေ၏။ ကျွန်မ၏ မျက်လုံးများသည် တစ်ဖက်တစ်ချက်ရှိ ပြပွဲရုံများ ထက် ခင်းကျင်းထားသော ဈေးသည်ကလေးများထံသို့ ရောက်နေ၏။
ဆိုင်တစ်ဆိုင်ရှေ့  အရောက်တွင် ကျွန်မရပ်လိုက်၏။အဘယ်ကြောင့်ဆိုသော်မဟူရာရောင်ရွှဲနင့်နေသော အပြောက်အမွှန်းများ စီရံထားသည့် တစ်စုံတစ်ရာသည် ကျွန်မအားဆွဲငင်လိုက်သောကြောင့်ဖြစ်သည်။ ထိုတောက်ပနေသော အရာလေးသည် ကျွန်မစိတ်ဝိညာဉ်အား သိမ်းပိုက်သွားလေပြီ၏။
“အဒေါ် ဒီလက်ကောက်လေးခဏပြပါလား”
ကျွန်မရင်ထဲ၌ပိုင်ဆိုင်လိုမှူပြင့် ရှိန်းမြနေ၏။ လက်ကောက်လေးသည် အနက်ခံပေါ်တွင်
လိမ္မော်…အ၀ါ…အစိမ်း အပြောက်အမွှန်းကလေးများဖြင့် ဆန်းကြယ်စွာ ချယ်သထား၏။
လက်ကောက်လေး၏ ဆန်းပြားမှူသည် ကျွန်မအား ညှို့  ယူလိုက်ခြင်းဖြစ်ပေမည်။
“အဒေါ် ဒါလေးဘယ်လောက်ပေးရမလဲ ”
“သမီး လေးရာပဲပေးပါ ”
ဈေးသည်အဒေါ်ကြီးသည် ရည်ရည်မွန်မွန်ဖြင့် ပြန်ပြော၏။ လက်ကောက်လေး၏ တန်ဖိုးသည် ကျွန်မပေးဝယ်နိုင်သော အနေအထားတွင်ရှိနေ၏။
ထို့နောက် ရွှင်မြူးစွာဖြင့် ကျွန်မလက်တွင် စမ်းဝတ်ကြည့်လိုက်၏။ ကျွန်ကလက်ပေါ်၌လက်ကောက်လေးသည် ဆန်းပြားစွာဖြင့်တောက်ပနေ၏။
ကျွန်မသည် ကြည်နူးမှူဖြင့် လက်ကောက်လေးအား ခပ်ကြာကြာစိုက်ကြည့်နေမိ၏။ စိုက်ကြည့်နေရင်းပင် ကျွန်မစိတ်တွင့်သို့ ထူးဆန်ဒသော ခံစားမှူ တစ်ခုစီးဝင်လာသည်။
“ဘာ”ပါဟု အတိအကျပြောရန် ခဲယဉ်းသော ခံစားမှူတစ်ခု…..
အလိုမကျမှု…မဟုတ်ဘူး… စိတ်ကသိကအောင့်ဖြစ်မှူ...
မပြည့်စုံသေးဘူး…. ခံစားမှု သုံးလေးမျိုးရောနှောပါဝင်နေသာ ခံစားမှူမျိုး…… ကျွန်မလက်ကောက်လေးအားထက်၍ သတိထား ကြည့် မိချိန်တွင်တော့
ထိုလက်ကောက်သည် အရောင်စုံလွန်းလှသည်ဟုထင်လာမိသည်၏။ အပြောက်အမွှန်းများမှာလည်း မျက်စိနောက်လောက်အောင်ရှုပ်ထွေးများပြားလွန်းနေ၏။
စိုပြောင်နေသော မဟူရာရောင်သည်လည်း ကျွန်မ၏စိတ်ကို ထိုင်းမှိူင်းလာစေ၏။ ကျွန်မစိတိကူးကြည့်သည်။ အကယ်၍ ထိုလက်ကောက်အား ကျွန်မ၀ယ်မည်ဆိုလျှင် ထိုလက်ကောက်သည် ကျွန်မလက်၌အမြဲလိုက်ပါနေပေတော့မည်။ ထိုအခါ ထိုအပြောက်အမွှန်းများနှင့် မဟူရာရောင်အနက်ခံပေါ်က ဆေးရောင်စုံများသည် ကျွန်မစိတ်အားတရိရိ တနုတ်နုတ်ဖြင့် ခလုတ်တိုင်နေပေတော့မည်။ ထိုသို့ဖြင့် သီးမခံနိုင်လောက်အောင် စိတ်နောက်ကျိရသောတစ်နေ့တွင်
ထိုလက်ကောက်အား လွှင့်ပစ်သည့် အဆင့်သို့ပင်ရောက်သွားနိုင်ပေသည်။
“အား……”
ရဟတ်စီးနေသူများထံမှ အော်သံများလွင့်ပျံ့ လာခြင်းဖြစ်သည်။ ရင်ဖိုကြောက်ရွံ့  မှုဖြင့် ပျော်ရွှင်မှုကို အမဲလိုက်နေကြသူများ…..
ကျွန်မခေါ်င်းထဲသို့ အသိတစ်ခု လက်ခနဲပြိုကျလာ၏။

“ကြောက်စိတ်´

ကျွန်မသည် လက်ကောက်လေးအားပြန်ချွတ်ပြီးပေးလိုက်၏။ စိတ်ထဲ၌ အနည်းငယ်ပေါ့ပါးသလို ခံစားလိုက်ရ၏ (လွတ်ငြိမ်းမှုဖြစ်ကောင်းဖြစ်မည်။)
ရှေ့ ဆက်သွားလျှင် ဒီ့ထက် အနည်းငယ် ရိုးရှင်းလှပသော လက်ကောက်တရံတလေ တွေ့ကောင်းတွေ့ဦးမှာပဲဟု ကိုယ့်စိတ်ကိုယ် ဖြေတွေးတွေး ထားလိုက်၏။
“အဒေါ် မယူတော့ဘူးနော် ”
ဈေးသည်အား အားနာနာနှင့်ပင် ပြန်လှည့်ထွက်လာလိုက်၏။ပွဲတော်လေးသည် ရေချိန်ကိုက်နေပေပြီ။ မီးရောင်များကြား မူးဝေနေပေပြီ။
လမ်းကျဉ်းလေးထဲ ကျွန်မဆက်လျှောက်လာခဲ့၏။တစ်နေရာ၌ လူတစ်စုသည်လက်ကောက်ပစ်နေကြသည်။(လက်ကောက်ပစ်ခြင်းဆိုသည်မှာ
ဖန်ပုလင်းလေးများတွင် လက်ကောက်များစွတ်ဝင်သွားအောင် ခင်လှမ်းလှမ်းအနေအထားမှ ပစ်ယူရသောကစားနည်းတစ်မျိုးဖြစ်သည်။)
လက်ကောက်ဆယ်ကွင်းတွင် သုံးလေးကွင်းဝင်အောင်ပင်မနည်းပစ်ယူနေကြရသည်။ လက်ကောက်ပစ်နေသောသူသည် သူ၏ပစ်ချက်တစ်ချက်
လွဲသွားတိုင်း ကျိတ်မနိုင်ခဲမရ ညည်းညူနေ၏။ ချိန်မှတ်နှင့်လွဲချော်သွားသော လက်ကောက်ကွင်းများမြေပေါ်တချွင်ချွင်ကျနေသံကို ကြားနေရ၏။
(ထိုတချွင်ချွင်အသံသည် ရှုံးနိမ့်ခြင်း၏အသံ ဖြစ်ကောင်းဖြစ်မည်။) ပွဲတော်သည် ကျွန်မအားညှို့  ယူလျက်ရှိသည်။
ထိုသို့ဖြင့် ကျွန်မသည်နောက်ထက်ဆိုင်လေးတစ်ဆိုင်အတွင်းသို့ ၀င်ခဲ့ပြန်သည်။ ထိုဆိုင်တွင်လည်းအမျိုးအစားစုံ တောက်တောက်ပပပစ္စည်းကလေးများ
ခင့်ကျင်းထား၏။ ကျွန်မသည်လက်ကောက်ကလေးများအား တစ်ခုချင်းစေ့စပ်စွာကြည့်နေမိ၏။ ရိုးရိုးရှင်းရှင်းလက်ကောက်လေးတစ်ရံအား ရှာဖွေနေခြင်းဖြစ်သည်။ လက်ကောက်လေးများသည် အမျိုးအစားစုံလင် လွန်လှပေသည်။ ထိထဲမှ ဗေဒါရောင် ၊ လက်ကောက်အကြည်လေးတစ်ရံအား
ကျွန်မသဘောကျသွား၏။ ထိုလက်ကောက်လေးသည် မောင်းလို အဟကလေးနဲ့ ဖြစ်သည်။
လက်ကောက်ပေါ်၌ ဘာအပျောက်အမွှန်းမှခြယ်သထားခြင်း မရှိ။
အသားကိုဖောက်ထွင်းမြင်နိုင်သော ဖန်လက်ကောက်ကြည်ကြည်လေးမျှသာဖြစ်သည်။ လက်ကောက်လေး၏ ရှင်းသန့် ကြည်လင်မှုသည် ကျွန်မအာရံ၌စွဲကပ်သွား၏။ ကျွန်မစိတ်ထဲ၌ ပထမတစ်ခေါက်မဟူရာလက်ကောက်လေးထက်ပင် ပို၍ သဘောကျနေမိ၏။
လက်ကောက်လေးအား ကျွန်မကောက်ကာငင်ကာဖြင့် ကျွန်မစွတ်ကြည့်လိုက်၏။ ကြည်ဖန့်တောက်ပနေသော ဗေဒါရောင်… ၀ယ်တော့မည်ဟု ဆုံးဖြတ်ပြီး ကျွန်မလက်ကောက်လေးအား နောက်ဆုံးတစ်ချက်ကြည့်လိုက်၏။
ကျွန်မအာရုံထဲ၌ မိုက်ခနဲ… သွားပြီ.. အဲဒီခံစားချက်… တစ်စုံတစ်ရာရောပြွန်းနေသော အဲဒီခံစားချက်…. မသတီစရာခံစားချက်...
ကျွန်မစိတ်ထဲ၌ လွင့်ခနဲ…..
“ကြောက်စိတ်……”

နိဂုံး-တစ်

ကျွန်မသည် ပွဲတော်လမ်းကြားလေးထဲ၌ တစ်ဆိုင်ဝင်တစ်ဆိုင်ထွက် ရွေ့ ရွေ့  ၀ဲလည်နေ၏။
ကြာလာသည်နှင့်အမျှပွဲတော်လမ်းကြားလေးသည် ကျွန်မအတွက်မှော်ရုံတောတစ်ခုနှင့်ပင် တူတူလာပါတော့သည်။ တစ်ဆိုင်ဝင်တစ်ဆိုင်ထွက်ဖြင့် ကျွန်မစမ်းစမ်းဝတ်ကြည့်ခဲ့သော လက်ကောက်ကလေးများလည်း မြောက်များစွာကျန်ရစ်ပေပြီ။
အသွင်စုံ….အရောင်သွေးစုံ… တန်ဖိုးအစုံလက်ကောက်များ ကျန်ရစ်ခဲ့ပေပြီ။ ကျွန်မသည်လည်း ပွဲဈေးတန်းမဆုံးသ၍ ရွေးချယ်ခွင့် ရှိသည်ဟူသော စိတ်အစွဲတစ်ခုဖြင့် တရွေ့ ရွေ့ တရိပ်ရိပ် တိုးဝင်သွားနေ၏။ ကျွန်မအာရုံထဲတွင်တော့ ကျွန်မလက်၌ အမြဲလိုက်ပါနေမည့် လက်ကောက်သည် မည်သို့သောလက်ကောက်မျိုး ဖြစ်မည်နည်းဟု အကြိမ်ကြိမ်မေးခွန်းထုတ်နေမိသည်။

ပွဲတော်လမ်းကြားလေးသည်လည်း တစ်စတစ်စ ဖျော့တော့လာပေပြီ။ ကျွန်မလက်ထဲတွင်တော့ ခုချိန်ထိ မည်သည့်လက်ကောက်မျှ တွဲခိုလိုက်ပါလာခြင်းမရှိသေးပေ။
လမ်းတစ်ဖက်ရှိ ကြော်ငြာဆိုင်းဘုတ်တစ်ခုအား လှမ်းကြည့်လိုက်မိ၏။
…..“ဆပ်ကပ်ထဲမှလူ”…… ကျွန်မစိတ်များထွေနေပေပြီ။ ဟိုး..ခက်လှမ်းလှမ်း၌ မီးရောင်လုံးဝပျောက်ကွယ်သွားတော့မည်ဖြစ်သည်။
ပွဲဈေးလေး၏ အဆုံးသတ်နေရာလည်းဖြစ်ပေမည်။ ပတ်ဝန်းကျင်၌ လူသူများကျဲပါးလာနေ၏။

နိဂုံး-နှစ်

ကျွန်မသည် လက်ကောက်တစ်ကွင်းဝယ်ရန် ပွဲဈေးသို့ သွားခဲ့ခြင်းဖြစ်သည်။ ကျွန်မသည် ကိုယ့်လက်၌ထာဝရ ဆင်မြန်းရမည့်လက်ကောက်အား
မည့်သည့်လက်ကောက်မျိုးဖြစ်ရမည်ကိုပင် ဂဃနဏမသိသူဖြစ်သည်။ ကျွန်မသည်လက်ကောက်ဆင်မြန်းရခြင်းအား အမှန်တကယ်နှစ်သက်မြတ်နိုးသူတစ်ယောက်
ဟုတ်ပါသလား။ ကျွန်မသည် ပွဲဈေးတန်းသို့ တကယ်ပဲလက်ကောက်ဝယ်ရန်လာခဲ့ပါသလား။ သို့ဆိုလျှင် ကျွန်မလျှောက်ခဲ့ဖူးသော ပွဲတော်လမ်းကြားပေါင်း မည်မျှရှိနေ ပြီနည်း။ သို့ဆိုလျှင် ကျွန်မစမ်းဝတ်ကြည့်ခဲ့ဖူးသော လက်ကောက်ပေါင်း မည်မျှရှိနေပြီနည်း။ သို့ဆိုလျှင်………..

ထိုနေ့က ပွဲတော်သိမ်းချိန်အထိ ကျွန်မလက်ကောက်တစ်ကွင်းမှ မရလိုက်ပါ။ ။

Saturday, July 21, 2007

လရောင်လမ်းချိုး

တီးကြည့်ခေါက်ကြည့်တာတောင် မြည်မလာတတ်တဲ့
တချို့ သံစဉ်တွေဟာ
ခရမ်းဖျော့တေးတစ်ပုဒ်တော့ ပီနေသားပဲ........

အဲဒီတုန်းက နှင်းတွေမြေပေါ်ဖွာလွင့်ကျဆင်းသွားတော့
ခုလို ညနေခင်းမျိုး ငါရှူရှိုက်ရလိမ့်မယ်မှန်း
နည်းနည်းလေးမှ မရိပ်စားမိခဲ့ပါဘူး
လမ်းမီးတွေက သဲ့သဲ့ဖျဖျ
ရှတပါးလွှာနေတဲ့ လရောင်အောက်မှာ
ငါ့နှလုံးသားက
အပျော်တွေ သတ္တိကြွဖူးတယ်.......

အဲဒီလိုညမျိုးပေါ့
ရှိသမျှမြတ်နိုးမှူတွေ ခြစ်ကုတ်ယူသွားလို့
အိပ်မက်ထဲလျှိုသွင်းလိုက်ရတဲ့ မချင့်မရဲအလွမ်းတွေမှာ
တိုး...... တိုး.......ညင်း.......ညင်း........
ငါသာသာလေး မိုက်နေတယ်......

“ချစ်တယ်”
ငါအဲဒီလို မပြောဖြစ်ခဲ့ဘူး
ချစ်သူက လရောင်ကို ရွက်ခြောက်တွေလို နင်းခြေလိုက်ချိန်မှာ
ငါက သက္ကရာဇ်တွေမှာ ကြယ်လိုကြွေရစ်ခဲ့တယ်။ ။

Friday, July 20, 2007

ရိုးရိုးသားသားချစ်ခြင်း

ကလေးရေ.......
မင်းမျက်ဝန်းတွေကိုမြင်တော့
စကြ၀ဠာထဲက ကြယ်တွေကိုလွမ်းသွားမိတယ်
မင်းရယ်သံဟာ
ငါ့အတွက် လိပ်ပြာတောင်ပံခတ်သံလေးဆိုလည်းဟုတ်တယ်။

အဝေးကြီးမသွားနဲ့  ကလေးရယ်........
အဲဒီလို မတားရက်လို့ 
မင်းရဲ့ ခြေသံတွေကိုပဲ တယောတေးသွားတစ်ပုဒ်လို
ခေါင်းငုံ့ ရင်ခုန်ခဲ့တယ်။

ညတွေထဲငါလမ်းပျောက်နေချိန်ဆို
ကလေးကို အိပ်မက်လှလှလေးမက်စေချင်ရဲ့ ......
နှစ်ဆယ့်ငါးနှစ်ပတ်လုံး စုဆောင်းထားခဲ့တဲ့ပျော်ရွှင်မှူတွေ
ကလေးအတွက်လက်ဆောင်မွန်အဖြစ်ထုတ်ပိုးပေးလိုက်မယ်
မင်းကကျေးဇူးတင်ပါတယ်လို့ မပြောနဲ့ ပေါ့။

ဝန်ခံပါတယ်ကလေးရယ်.......
ငါဟာမင်းပြတင်းပေါက်မှာသာနေတဲ့ လတစင်းဖြစ်ချင်လည်း
(လေတိုက်လို့ ပဲဖြစ်ဖြစ်)
ဖျက်ခနဲပိတ်ချသွားမယ့် တံခါးရွက်တွေရဲ့ အသံကို
စိုးရွံ့ သိမ်ငယ်နေမိတာတော့ အမှန်ပဲ ။ ။

Thursday, June 14, 2007

Mama, I'm coming home



Mama, I'm coming home

Ozzy Osbourne

Times have changed and times are strange
Here I come, but I ain't the same
Mama, I'm coming home
Times gone by seem to be
You could have been a better friend to me
Mama, I'm coming home

You took me in and you drove me out
Yeah, you had me hypnotized
Lost and found and turned aroound
By the fire in your eyes

You made me cry, you told me lies
But I can't stand to say goodbye
Mama, I'm coming home
I could be right, I could be wrong
Hurts so bad, it's been so long
Mama, I'm coming home

Selfish love yeah we're both alone
The ride before the fall
But I'm gonna take this heart of stone
I just got to have it all

I've seen your face a hundred times
Everyday we've been apart
I don't care about the sunshine, yeah
'Cause Mama, Mama, I'm coming home
I'm coming home

You took me in and you drove me out
Yeah, you had me hypnotized
Lost and found and turned around
By the fire in your eyes

I'm coming home

Wednesday, June 13, 2007

မေတ္တာတရား၊ နှုတ်ဆက်တေးနှင့်

မေတ္တာတရား၊ နှုတ်ဆက်တေးနှင့် ကိုယ့်ကိုကိုယ် ချနင်းလိုက်တဲ့ ကဗျာဆရာ

(၁)
ရင်ဘတ်တစ်ခုလုံး
ထွန်ကြောင်းဘယ်နှစ်ကြောင်းစာမြင်မှ
ယုံမတဲ့လဲ
ပြောပါ..
ငါစာရေးသွက်ရုံနဲ့တော့
ကိုယ့်နှလုံးသွေးကိုယ် အသုံးတော်မခံဘူး ။

(၂)
ဒီည
မခမ်းမနား ပြဇာတ်တစ်ပုဒ် ကမယ်
အချိန်ကာလက ... သစ်သားရတု မိုးဦး
မီးအလင်းအမှောင်က... ခရမ်းရဲ့ ရဲ့ 
နောက်ခံတီးလုံးက... တယ်လီဖုန်းခေါ်သံ
ဇာတ်ဝင်တေးက... သဂြိုင်္ဟ်ခြင်း
ဇာတ်ညွှန်းက...အလေ့ကျရှင်သန်ခဲ့မှု
ဇာတ်ထွတ်က... အမှောင်
ဇာတ်သိမ်းက... လိပ်စာမတတ်ထားသောစာများ
အဲဒီမှာ ဇာတ်ကောင်က...
ဘယ်လိုပေးကမ်းခြင်းကိုမဆို
နှလုံးသားနဲ့ပြေးပြေးခံတတ်တဲ့
သူဖုန်းစား...ငါ ။

(၃)
ကဲပါ... ပွဲပြီးပြီလား...
ကိုယ့်ရင်ခုန်သံ ကိုယ်ပြန်လိပ်ရုံပေါ့
လက်ပြခဲ့ခြင်းမျိုးု ရှိမှာမဟုတ်ဘူး
လက်ပြခွင့်မျိုးလည်း ရမှာမဟုတ်ဘူး
ဒီဝပ်ကျင်းလေးထဲ ပေါက်ရောက်ရှင်သန်ခွင့်ကို
နောက်ထပ်
သစ်သားရတု သံရတုတွေထိ
အောင်ပွဲခံပေါ့ ...
ခုတစ်သက်တာဝေးကွာခြင်းကရော
ငါ့ကိုထပ်ပြီးအသစ်အဆန်းဖြစ်စေပါဦးမလား
ပြောပါ...
ကဗျာဆရာတွေချစ်တတ်တာ
လူရယ်ဖို့သက်သက်တော့ မဟုတ်ဘူး ။ ။

လင်းပြာနွေ
(ဇူလိုင် ၇ ရက် ၂၀၀၄ ၀မ်းနည်းမှုများသို့ အမှတ်တရ)

သခင်

ငါ့ကို
ဓားချက်နက်နက်တွေ
တစ်ချက်ပြီးတစ်ချက် ပေးသနားခဲ့တယ်
မင်းကို ကျေးဇူးတင်တယ်
ဘုရားသခင်ကို ကျေးဇူးတင်တယ်
ငါဟာ ဘယ်တော့မှ သေဆုံးခွင့်မရတဲ့
တစ်ဦးတည်းသော လူသားပါ
ငါ့ကိုပစ်မထားပါနဲ့ 
နာကျင်မှုတွေ ပေးသနားစမ်းပါ
ရေတွက်မယ်ဆိုရင်
ငါ့နာကျင်မှုတွေနဲ့  ထပ်တူညီစေမဲ့
ပျော်ရွှင်မှုမျိုး . . မင်းပေါ့တီးပေါ့ဆပဲ
လက်ခံပေးပါ
ဒါဟာ လူသားဆန်မှုတစ်ခုလို့လည်း မထင်ပါနဲ့ 
ငါဟာ ဘာမှဟုတ်တဲ့လူ
မင်းနာကျင်မှုတွေကို
ဘယ်လိုအပြီးတိုင် ခိုးယူရမလဲဆိုတာ
ငါအမြဲချောင်မြောင်းနေတဲ့ကိစ္စ
အဲ့ဒီလို ငါက မယုံကြည်ရဘူး
မင်းမကျေနင်ရင်
ငါ့ကို . . ပုလင်းဖုံးတစ်ခုလိုသဘောထားပေး
ရေတွင်းပျက်တစ်ခုလို သဘောထားပေး
ဗလာစာရွက်ခပ်ညံ့ညံ့တစ်ရွက်လို သဘောထားပေး
လောလောဆယ် တစ်ခုပဲ တောင်းဆိုပါရစေ
ဒီတစ်ခါထိုးမယ့်ဓားချက်တွေအတွက်
ဓားရိုးကို ဖွဖွသာကိုင်ထားစမ်းပါ
အကယ်ရွေ့ မင်းနာကျင်ရရင်
ငါက နောက်ထပ် ခိုးယူမှုတစ်ခု ကျူးလွန်ရဦးမှာမို့ လို့  ။ ။

၎၊ ဧပြီ ၊၂၀၀၃
ည ၁၀ နာရီ ၁၅ မိနစ်

အိမ်

မနက်ခင်းပန်းများပွင့်နေကြသည်။

ပြာမှုန်နေသော လမ်းတစ်လျှောက်၌ လူသူအသွားအလာကျဲပါးလျက်... နှင်းများ စိမ့်ခဲအောင် ကျဆင်းနေ၏။ ကတ္တရာလမ်းမပေါ်၌ နှင်းဖက်နုနုများ လွှားကျနေသည်။ လူတိုင်း၏ အိမ်ပြတင်းများ ပိတ်ထားကြသည်။ တစ်စုံတစ်ရာ ၀င်လာမည်ကို စိုးသောကြောင့်လားမသိ။ …… စိမ့်နေအောင် ပိတ်ထားကြ၏။ ပူရှိမ်းရှိမ်းအေးမြမြလေတစ်ချက် တိုးဝှေ့သွားသည်။ အစိမ်းရောင် သစ်ရွက်များပေါ်ရှိ နှင်းဖက်များ အိမ်ခေါင်မိုးပေါ်သို့ ဖွားခနဲကျသွား၏။ ကောင်းကင်သည် အဖြူရောင်ပိတ်ကားတစ်ချပ်နှင့်ပင် တူနေ၏။ အနက်ရောင် ဆံချည်မျှင်တစ်စနှင့်တူသော လမ်းမသည် မျှင်းမျှင်းလေးလွင့်နေသည်။ နှင်းများကား ဖုံးတစ်ဝက် ဖယ်တစ်ဝက်. . . ကျွန်မ အိမ်မက်မက်နေတာများလား . . .


လွင့်နေသောလမ်းမပေါ်၌ ကျွန်မတစ်လှမ်းချင်းလှမ်းနေ၏။ ကျွန်မ ဘယ်ဆီသွားနေတာပါလဲ . . ပိတ်ထားသောအိမ်များဆီသို့ လား . . . ပိတ်ထားသောအိမ်များထဲတွင် ကျွန်မအိမ်တစ်အိမ်များ ပါနေပြီလား။ ဟောဟိုက တံခါးရွက်အညိုများနှင့်အိမ်သည် ကျွန်မအိမ်များလား . . ဒါမှမဟုတ် ဟောဟိုက တံခါးရွက်အပြာများနှင့်အိမ်များလား . . . ဒီလိုဆို. . ကျွန်မကိုတံခါးလာဖွင့်ပေးမည့်သူတစ်ယောက် ရှိနေမည်ပေါ့. မဟုတ်ရင်ကော. . . မဟုတ်ရင် ကျွန်မ၌သော့တစ်ချောင်းတော့ရှိရမည်။ ကံကောင်းလျှင် ကျွန်မအိမ် တံခါးအဖွင့်၌ ကျွန်မအတွက် ပြင်ဆင်ထားသောပါတီတစ်ခု စောင့်ကြိုကောင်းစောင့်ကြို နေလိမ့်မည်။ ဒီ့ထက်ပိုကံကောင်းလျှင်တော့ ကျွန်မအား နွေးနွေးထွေးထွေးပြေးပွေ့ဆီးကြိုမည့် တစ်စုံတစ်ယောက် ရှိနေနိုင်မည်။

ဒီ့ထက်ပိုကံကောင်းလျှင်ကော . . .
ကျွန်မလမ်းမပေါ်သို့ ကဆင့်ကလျားကြည့်လိုက်၏ . . . အလင်းများဖွေးဖွေးလှုပ်လျက် . . . . . . လမ်းပေါ်၌ ကျွန်မနှင့် သူစိမ်းတရံဆန်သည့်သူများ ရှိမနေ . . . ဒါဆိုရင်းနှီးသူတွေကော . . .ရင်းနှီးသူတွေ . . . ကျွန်မဦးခေါင်းတွင်း၌ တစ်စုံတစ်ရာ တစ်ဖျက်ဖျက်လက်နေ၏ . . . ကျွန်မနှင့်ရင်းနှီးသူတွေ . . . ရင်းနှီးသူတွေဆိုတာ မည်သို့ သောအရာကိုခေါ်သနည်း . . . ရင်ဘတ်ချင်းနီးသူများလား . . . လွတ်လပ်စွာ သဘောထားကွဲလွဲနွေးမြနေသူများလား . . .အလွန်အမင်း ရယ်ရယ်မောမော စကားပြောခဲ့ဖူးသူများလား . . . အလွန်တရာ စက်ဆုပ်စွာဖြင့် ပုခုံးဖက်ပေါင်းနေသူများလား. . . အလွန်တရာ လေးစားစွာ ကိုးကွယ်မိနေသူများလား . . .များလား . . .များလား . . .
နံဘေးမှ တစ်စုံတစ်ရာ လင်းကနဲဖြတ်သန်းသွာ၏ . . . မည်သည့်အရာလဲ ကျွန်မ မစမ်းစစ်တော့ ကြည့်တိုက်တော့ တံခါးရွက်အညိုများနှင့် အိမ်တစ်လုံး မျက်စိရှေ့ မှောက်၌ လွင့်နေ၏ . . . လွင့်နေဟန်ရှိ၏. . . ဒါ ကျွန်မအိမ်များလား . . .ကျွန်မအိမ်ဆို အနည်းဆုံး ကျွန်မကို သိသည့်လူများ ရှိရမည်။. . မဟုတ်သေးဘူး . . ကျွန်မတစ်ယောက်တည်း နေသည့်အိမ်ဆိုရင်ကော . . .မည်သူမှရှိမည်မဟုတ် . . . ဒါဆို ကျွန်မအိမ်ဖြစ်ဖို့ သော့တစ်ချောင်းတော့ ရှိရမည်။ ဟုတ်တယ် ။ ကျွန်မအိမ် ရှေ့တည့်တည့်၌ ရပ်လျက် သော့တစ်ချောင်းကိုရှာသည် . . .စိတ်လှုပ်ရှားစွာဖြင့်သော့တစ်ချောင်းကို ရှာဖွေနေ၏ . . .ဘယ်မှာလဲ . . . ငါ့အိမ်ဆိုတာ၏သော့ . . .ဘယ်မှာလဲ . . .
အချိန်ဘယ်လောက်ကြာအောင် သော့အားရှာဖွေနေမိမှန်းပင်မသိ . . .ကျွန်မတစ်ကိုယ်လုံး၌ ဇောချွေးများဖြင့် . တုန်ရီနေ၏။ မောပန်းမှု သဲ့သဲ့စိမ့်ဝင်ပျံ့ နှံ့ လျက်ရှိသည်။ ကျွန်မအရှေ့ ရှိတံခါးအညိုကြီးသည် မာန်တင်းလျက် ၀င့်ထည်စွာစေ့ပိတ်ထား၏. . .(စေ့ပိတ်ထားသယောင်ရှိ၏). . ကျွန်မ ဘာလုပ်ရမည်နည်း . . . ကျွန်မ အိမ်ထဲဝင်ရမှ ဖြစ်မည် . . . ကျွန်မအိမ်ဖြစ်သောကြောင့် အိမ်ထဲဝင်ရမည်။ တံခါးရွက်အညိုများအား ကျွန်မစိုက်ကြည့်နေမိ၏ . . . အိမ်ဆိုသည်မှာ ဤ မျှပင်ဝင်ဖို့ ရာခဲယဉ်းပါသလား . . .ကျွန်မတစ်ကိုယ်လုံး ဇောချွေးများဖြင့် ထုံထိုင်းနေ၏. . . လက်ကောက်ဝတ်ဆီမှ တဒိတ်ဒိတ်သွေး တိုးနှုန်းညံနေ၏ . . . ကျွန်မဦးခေါင်းသည် မိတ္တူကူး စက်တစ်ခုအလား အလုပ်လုပ်နေ၏ . . ကျွန်မ ဘာများဖြင်ရတာလဲ . . . အဘယ်ကြောင့် ဤတံခါးကြီးရှေ့ ၌ ဤမျှ တုန်လှုပ်နေရသနည်း ။
ဟုတ်တယ် ကျွန်မအိမ်ပဲ... ကျွန်မ၀င်ရမည်ပေါ့ . . .ရုတ်တရက် ကိုယ့်ကိုကိုယ် အဝေးပြေးလမ်းမပေါ် ထုံထိုင်းထိုင်း မောင်းနေသော ကားတစ်စင်းလို ခံစားလိုက်ရ၏ . . မောတယ် . . .မောတယ် . . မောပန်ခြင်းသည် ကျွန်မအား တစစ်စစ် ခဲနေ၏ . . . အမောကြောင့် ကျွန်မတစ်ကိုယ်လုံး ရောင်အမ်းအမ်း ခံစားနေရ၏ . . . ဘာကြောင့်မောပန်းရသနည်း . . .စေ့ပိတ်ထားသောတံခါးများကြောင့်လား . . . ကျွန်မ၌ သော့တစ်ချောင်း မရှိသောကြောင့်လား . . . အိမ်ဆိုသည့် အရှိန်အ၀ါကြောင့်လား . . . ကျွန်မတစ်ကိုယ်လုံးရှိ သွေးများဆူပွက်လာသည် ။ မျက်လုံးများပြာဝေလာ၏ ။ ကျွန်မသွေးရူးသွေးတန်းဖြင့် တံခါးအညိုကြီးအား ဆောင့်တွန်းပစ်လိုက်၏ . . .အလင်းများ ဒလဟော ပြိုဆင်းကျလာ၏ . . . မျက်စိများ ကျိန်းစပ်ပြာဝေလောက်အောင် အိမ်တွင်း၌ စူးစူးရှရှ လင်းနေ၏။ လင်းလွန်းသောကြောင့် အိမ်နံရံများပင် သဲသဲကွဲကွဲ မမြင်ရ ။ အိမ်သည် အလင်းချည်းသက်သက် သိုလှောင်ထားသော ဂိုထောင်တစ်ခုနှင့်ပင်တူနေ၏ . . ကျွန်မအလင်းထဲသို့ တစ်လှမ်းချင်းတိုးဝင်သွား၏။
အလင်းထံသို့  အကြောက်အလန့် မရှိကျွန်မတိုးသွား၏ ။
လူရှိလား . . .
ကျွန်မပါးစပ်က အူကြောင်ကြောင် စကားတစ်ခွန်း ခုန်ထွက်သွားသည် ။ မဟုတ်သေးပါဘူး . . . ငါ့အိမ်ဆို ဒီလိုမေးစရာ ဘာအကြောင်းများရှိမည်နည်း . . .ဟုတ်တယ် . . . အမှန်ဆို ပြန်လာပြီလို့ ... ပြောရမှာ . . .
ပြန်လာပါပြီ
ကိုယ့်ကိုကိုယ် အတော်ရယ်ချင်သွားသည် ။ အိမ်သည် အလင်းဖြင့် တိတ်ဆိတ်နေ၏ ။ အိမ်တွင်း၌ ကျွန်မအား ကြိုမည့်သူများ ရှိမနေ . . .သို့ သော် . . .နှင်မည့်သူများလည်း ရှိမနေ . . . ဒါ ငါ့အိမ်ပေါ့... ကျွန်မရေရွတ်လိုမိ၏။ ရီဝေမှုန်ဝါးစွာဖြင့် တစ်အိမ်လုံးအား လှည့်ပတ်ကြည့်ရှုနေမိ၏။ အိမ်တွင်း၌ အလင်းမှတစ်ပါး မည်သည့်သက်ရှိ သက်မဲ့အရာများအား မတွေ့ ရ ။ ကျွန်မ နွမ်းရိသွား၏ ။
ဒါကျွန်မအိမ်တဲ့လား . . . အံသြစရာ . . . ကျွန်မအိမ်ဖြစ်ဖို့ ရာ မည်သည့်အရာမှမလိုပါလား . . .
သော့ မလို . . .ဆီးကြိုမည်သူ မလို . . .အထောက်အထားပစ္စည်းများ မလို . . . နှုတ်ခွန်းဆက်သရန် မလို . . . ကျွန်မသည် အလင်းထဲ၌ မတ်မတ်ရပ်လျက် . . . အိမ် ဟူသောဝေါဟာရ ကျွန်မခေါင်းထဲသို့  မည်သို့  ရောက်လာသနည်း . . .ခန္ဓာကိုယ်မှ ခံစားမှုတစ်မျိုး ယိုစီးထွက်လာ၏ ။
ကျွန်မ အိမ်အပြင်လမ်းမပေါ်သို့  တစ်ဟုန်ထိုး ပြေးထွက်သွားလိုက်၏ ။ ကတ္တရာလမ်းကြီးသည် စောစောကအတိုင်း မြေ့ မြေ့ မှုန်ရီလျက်ရှိ၏ ။ လမ်းနှင့်ထိတွေ့ နေသော ကျွန်မခြေထောက်များ ရဲတင်းလွန်းနေ၏ ။ ဘေးတစ်ဘက်တစ်ချက်၌ ပိတ်ထားသောတံခါးများရှိရာ အိမ်များ . . .ဝေသီ လွင့်ပါးလျက်ရှိ၏ ။ ကျွန်မသွေးများထဲ၌ ရေနွေးစီးကြောင်းတစ်ခု ခက်ထန်စွာ စီးဆင်းနေသည် ။
မျက်ဝန်းများ အေးစက်ကျပ်ခဲလျက် . . နှင်းမိုးထားသော မြင်ကွင်းထဲ စွတ်ရွတ် တိုးဝင်ပစ်လိုက်၏...
သို့ သော် . . . . .
ပိတ်ထားသော တံခါးများကိုတော့ မည်သည့်အကြောင်းနှင့်မှ ဖွင့်ဖို့ကြိုးစားတော့မည်မဟုတ်ပါ။

မှတ်ချက်။ ။ဤ၀တ္ထု၏အမည်သည် အိမ် ဖြစ်သည် ။

အမော

(၁)
အဆုံးစွန် ရှိုက်သွင်းမိပြီးမှ
နိမ့်နိမ့်ပါးပါးလေး
ရင်ခုန်ခဲ့မှန်း သိလိုက်တယ်
ဘာ ပါလို့ အမည်မတပ်လည်း
နွေ . .မိုး . . ဆောင်း . .
ဗလာကျုင်းသွားပြီးပြီ ။
(၂)
မျက်ဆန်ညိုညိုလေး အကြည့်တစ်ငွေ ကို
ဆယ်စုနှစ်ထက်ဝက်စာ ရင်နဲ့ မိုးခဲ့မိတယ်
ငါက ကောင်းတုန်းအရွယ်မို့  ရူးပါတယ် ။
(၃)
လက်ဝဲဘက်မှာ ဟုတ်လိမ့်နိုးနိုးတွေ ရှိတယ်
ဘက်ယာဘက်မှာ ဟုတ်တိုင်းမှန်ရာတွေချည်း ရှိတယ်
အဲဒီမျှခြေမှာ
တစ်နေ့ တစ်ကြိမ် သာသာပဲ ငါလမ်းပျောက်နေခဲ့တာ ။
(၄)
ကြေးထပ်ထိုးနှက်ကြစတမ်းဆို . .
ငါအသက်ရှူမရပ်သရွေ့ 
ချစ်တယ်လို့ ချည်း မရပ်မနားပြောခဲ့မ်ိမှာ
တကယ်ဆို . .
လက်ကလေးကမ်းဖို့ 
မှတ်တိုင်လေးစိုက်ထူပေးဖို့ ထက်
စက္ကန့် သုံးရာစာ ခိုးငေးရခွင့်လေးပဲ
ငါစိန်ခေါ်ခဲ့မိတာ ။ ။

(၁၀၊ ဇွန်လ၊ ၂၀၀၄၊ အင်္ဂါနေ့ )

ပထမဆုံးလမ်းဆုံး

မေတ္တာတရားအကြောင်းတီးမိခေါက်မိလေးနဲ့ 
(ငါ့ကိုယ်ငါတော့ အဲဒီလိုအထင် )
နှလုံးသားကို လွတ်လွတ်လပ်လပ်လျှောက် ခိုင်းလိုက်တယ်
ငါမှားတယ်လို့ မပြောဘူး ။
လိုတာထက်ပိုပြီးလည်း ပျော်ခဲ့ပြီးပြီ
လိုတာထက်ပိုပြီးလည်း ငိုခဲ့ပြီးပြီ
သေးသေးလေးမျှော်လင့်မိလို့ 
ငါ့မှာမှောင်လိုက်တာ(မတန်တဆ)
လူမှန်းသိစတည်းက ငါ . .
မျှော်လင့်ချက်တွေကိုသတ်လိုက်တယ် ။
အရဲရင့်ဆုံးမြတ်နိုးရဲပါတယ်
ဒဏ်ရာဒဏ်ချက်ဆိုတာလည်း ရင်ပါးအောင်မွေးတတ်ရတယ်တဲ့
ငါပဲပြောခဲ့တယ်
ခု ငါဘယ်မှာလဲ ။
ကံတရားရေ . . .
တတ်သလောက်မှတ်သလောက်
လှည့်ကွက်တွေ ဆိုးရွားမှုတွေ အကုန်သာထုတ်သုံးတော့
ငါ့မြတ်နိုးမှုတွေ
တစ်ရွေးသားမှမပွန်းပဲ့ပါဘူး
အဲ့ဒီလိုပဲ
ငါမာရေကြောရေောစးကြီးပြင်းခဲ့တယ် ။
ပျော့ညံ့တယ်ပြောချင်ပြော
ခေါင်းမာတယ်ပဲပြောချင်ပြော
ငါက တစ်ဘ၀လုံး
ဒီအတိုင်းပဲစီးဆင်းမယ် . . .
ဒါပေမဲ့
အဆုံးမှာ
ပင်လယ်တစ်စင်း ရှိမနေမှန်းလည်း ငါသိတယ် ။ ။

(၁၃၊ အောက်တိုဘာလ၊ ၂၀၀၃)

The Hole Being Dug, Getting Deeper

(1)

I want to be neither an educated woman, nor a poet, nor a writer, nor a business woman, nor a doctor, nor a teacher. I want... no, nothing, but I want to be nothing.

(2)

Due to the raining season... it is raining. I want to run along the water-flow of rain, like in my childhood,without slipper. That matter must be postponed. NO. Yon can run if you wish. I, in a raining season, have been breathlessly heart-broken. I had thrown the pieces of my broken-heart out into the rain. That is right. I love raining season. NO. I hate raining seasons. No... let it be . Do leave the raining seasons in the raining season.

(3)

All over the world, the people who torture themselves most are writers. All over the world, the people who are the most insane are blubber mouths. All over the world, the pwople who are sickly most are the intelligentsia. All over the world, the kind of people who are the most carefree are who lack of knowledge. In my room,there are so many cockroaches, uncountably. The things I hate most are cockrosches and telephones. The thing I want most in my life is conventionality. The statement 'Artists are the noblest ones' really amaze me. I don't understand the meaning of the word'nobility'. The cat I've lost is noble(I want you to correct my grammer and usage irrespectively if mistaken). I am'crazy selfish' indeed.

(4)

"The art of making famous "by Jean Paul Sartre is my favourite short story. (You may praise or blame me for it as your will). I have quite much evil.I have a photograph taken unknown to himself, a hidden look preserved for years and hopes that hurt myself. (All of them tendency to expect something in any moment). In my bed there are some hairs of mine, disgusting. The poem I have often recited is "My Little Brother,let's go to the zoo". The character of THE OUTSIDER", because of the lack of knowledge on the THIRTY EIGHT KINDS OF AUSPICIOUSNESS", had to face death-penalty. I don't need to worry about it for I have throughly taken the verse about them by heart. I am not afraid of rats. But I am afraid of being hit by the lightning. Therefore I always protect against it with an umbrella whenever it rains. This year it rains a little bit more.

.... To be continued.....

ငိုသံများ

လိုချင်တာမရရင် ကလေးတွေငိုတတ်ကြတယ်။ လိုတာမရတဲ့အခါတိုင်း ကလေးတွေ ငိုယိုပြီး တောင်းတတ်ကြတယ်။ နောက်ဆုံးမှာ လိုချင်တာ မရခဲ့ရင်တောင် သူတို့ မေ့မေ့လျော့လျော့နဲ့ အငိုတိတ်သွားတတ်ကြတယ်။
လူကြီးတွေကရော.....
လိုချင်တာမရရင် ငိုတတ်ကြတာပါပဲ။ ဒါပေမဲ့ သူတို့ငိုသံတွေကဘယ်သူ မှမကြားနိုင်တဲ့ ငိုသံမျိုးတွေ။ အဲဒီငိုသံတွေကကလေးတွေရဲ့ငိုသံတွေလို မေ့မေ့ လျော့လျော့နဲ့ ပြီးဆုံးမသွားကြဘူး။ ဘယ်တော့မှ မပြီးဆုံးနိုင်တဲ့ ငိုချင်းရှည်မျိုးတွေ။ နှလုံးသားကို ဖွင့်ပြီးနားထောင်ကြည့်..... လူပေါင်းများစွာရဲ့ ငိုသံကိုကြားရလိမ့်မယ်။
ဒီလူတွေကရော ဘာဖြစ်လို့ ရိုးသားစွာ မငိုချင်ကြတာလဲ။ မငိုနိုင်ကြတာလဲ။ လိုချင်တာမရခဲ့သည့်တိုင် ကလေးတွေလို ဘာဖြစ်လို့ မေ့မေ့ပျောက်ပျောက်နဲ့ အငိုမတိတ်နိုင်ရတာလဲ။
တစ်ခုတော့ရှိတယ်။ ကလေးတွေရဲ့ ပိုင်ဆိုင်ချင်စိတ်က လွတ်လပ်တယ်။ အဲဒီပိုင်ဆိုင်ချင်စိတ်ရဲ့ နောက်မှာ အိပ်မက်အဆောက်အအုံ အကြီးကြီးမပါဘူး။ လူကြီးတွေကတော့ အိပ်မက်အဆောက်အအုံအကြီးကြီးတည်လို့။ ခက်တာက အဲဒီအဆောက်အအုံကြီးကို လူကြီးတွေ ဘယ်လိုမှ မဖြိုဖျက်နိုင်ကြဘူး။
ကျွန်မတို့ရော...... ဘယ်လို အိပ်မက်အဆောက်အအုံကြီးတွေ တည်ပြီး ငိုနေခဲ့ကြတာလဲ။ ဘယ်လိုငိုသံမျိုးတွေ ဖန်တီးနေခဲ့ကြတာလဲ။ တကယ်ဆို ကျွန်မတို့အားလုံး ငယ်ငယ်က လွတ်လပ်စွာ ငိုခဲ့ဖူးသူတွေပါပဲ။ ။

မျက်ဝန်း

အဲဒီမျက်လွှာကို ပိတ်လိုက်ရင်
တစ်ဘ၀စာဝင်နိုင်တဲ့
ပြူတင်းလေးတစ်ပေါက် ပေါ်လာမယ်
အဲဒီပြူတင်းမှာ ဘာဆေးရောင်မှ သုတ်မထားဘဲ
အဖြူရောင် လွင့်လွင့်ပါးပါးလေး
အိပ်မက်ဆန်တယ်
ပြူတင်းကကြည့်ရင် ပန်းခင်းကြီးလည်း မမြင်ရဘူး
တောင်တန်းတွေလည်း မမြင်ရဘူး
ရေတံခွန်စိမ့်စမ်းတွေလည်း မမြင်ရဘူး
ဖြူဖြူဖွေးဖွေး ဟင်းလင်းပြင်တစ်ခုပဲ ရှိတယ်
အဲဒီပြူတင်းကို ငါငေးမောခဲ့တာကြာပေါ့
အစောဆုံးနေရောင် မနိုးသေးခင်
အစောဆုံးဆောင်းအိပ်မက် ရောက်မလာခင်
အစောဆုံးရင်ခုန်သံ မစီးဆင်းခင်
အစောဆုံးနှုတ်ဆက်တေး မသီခင်
အဲဒီပြူတင်းဘောင်မှာ ငါ့တစ်ဘ၀လုံး လွှားတင်ထားတယ်
လေတိုက်တိုင်း လွင့်ပါးနေပေမဲ့
ပြတင်းဟိုဘက်မှာ ဘာမှမရှိဘူး
ဟင်းလင်းပြင်ထဲပဲ
ငါ့ဖြစ်တည်မှုတွေ ကစဉ့်ကလျားဝဲကျနေတယ် ။ ။

အင်တာနက်ရင်ခုန်သံ

ငါ့ရှေ့မှာ တမ်းတခြင်းတွေနဲ့ ဖောရောင်နေတဲ့
ယန္တရားတစ်ခု
စက်ခလုတ်တစ်ခုကို နှိပ်လိုက်တိုင်း
ရင်ခုန်သံတွေ ထွက်အံကျလာလိုက်တာ
လေလှိုင်းထဲ စီးမျောလာတဲ့ မင်းရယ်သံမှာ
အိပ်မက်တစ်စင်း လှပ်လှပ်လေး အောင်းနေတယ်
ကြည့်စမ်း... မင်းနဲ့ငါဝေးကွာနေလိုက်ပုံများ
မင်းက ကမ္ဘာ့နောက်ခြမ်း
ငါက ကမ္ဘာ့ရှေ့ခြမ်း
မင်းတိုးတိုးလေးညည်းတဲ့သီချင်းသံမှာ... ငါကပျော်ဝင်လို့
မင်းမျှင်းမျှင်းလေးချတဲ့သက်ပြင်းသံမှာ... ငါကမိန်းမောလို့
မင်းဖန်တီးထားတဲ့စကားလုံးတွေရဲ့ ဖွဲ့နွဲ့မှုမှာ... ငါကသာယာလို့
ဒါဆို..
မင်းဘယ်သူလဲ ငါသိစရာလိုဦးမလား...
လျှပ်စစ်ဓာတ်နဲ့ လွမ်းတဲ့အလွမ်းလည်း အလွမ်းပဲ
ကမ္ဘာကြီးကိုက ကျဉ်းလွန်းတာမို့
မင်း..ငါ ဖြစ်တည်မှုတွေမပါဘဲ
ရင်ခုန်သံစစ်စစ်ချည်းသက်သက်
လေထုထဲ လွှင့်တင်လိုက်ရအောင်လေ ။ ။

Thought

If I were you, I would take care of nature.
If I were you,I wouldn't laugh at loving kindness.
If I were you, I would neglect traditional matters.
If I were you,I would stay away from opinions of human beings.
If I were you,I wouldn't choose to be a vitim of faith.
If I were you,I would............
If I were you ,I would............................

Tuesday, June 12, 2007

နှုတ်ဆက်ခြင်း

ဆယ်လ်မန်ငါးတွေ အိမ်ပြန်ပြီလေ
ငါတို့နှုတ်ဆက်ကြစို့
ကောင်းကင်ကို နင်ကြည့်
လွတ်လပ်မှုသက်သက်နဲ့
လမ်းခွဲတေးကို အသံတိတ်ငြီးစမ်း
မျက်ရည်မကျနဲ့
ဂွတ်ဒ်ဘိုင်လို့မဆိုနဲ့
ရီဝေတဲ့ခံစားချက်တွေမပါနဲ့
ရှေ့ဖြစ်နောက်ကြောင်းတွေ မဖော်နဲ့
တခမ်းတနားကြီး မကြေကွဲပစ်လိုက်နဲ့
ငါ့မျက်ဝန်းတွေနဲ့ဝေးရာလွှဲထားပြီး
သက်ပြင်းတစ်ချက်ပဲ ခိုးချကြည့်စမ်းပါ
ငါတို့နှုတ်ဆက်ခြင်း ဘယ်လောက်တောင်သန့်စင်သွားမလဲလို့။ ။